RJ Vrunda

                   વૃંદા ના લગ્ન થયા એને માંડ બે વર્ષ થયા હશે. ઘર માં દૂધ માં સાકાર ભળે એ રીતે ભળી ગઈ દાદા ની લાડકી પુત્રવધૂ સસરાજી ની વહલસોઈ વહુ ને સાસુમાની સેવા ચાકરી કરનારી એક સંસ્કારી વહુ. એનો વર મિલન તેના માતા પિતા નું એક નું એક સંતાન એટલે બધો જ લાડ પ્યાર મળે વૃંદા અને મિલન ને. વૃંદા એક દમ શાંત નદી જેવી જે આખા ઘર ને હંમેશા પોતાના પ્રેમ રૂપી ભેજ થી મહેકાવવા માંગે છે. આમ થોડા રૂઢિ રિવાજો માં માનવા વાળા તેના સાસુ એટલે વહુ ને ઘર માં પણ સાડી જ પહેરવાની, ભલે સસરા નું માથે ના ઓઢે પણ સાસુ સામે બેઠી હોય ત્યારે ઘૂમટો તાણી રાખવાનો વગેરે એવું બધું કહે પણ તેના સસરા બિચારા ભગવાન ના માણસ આવું કરવાની ના પાડી દીધી કે મારી વહુ મારી દીકરી જેવી છે. એક દીકરી તેના પિયર માં જે રીતે હસતી રમતી રહે એ જ રીતે એના સાસરે પણ રહેવી જોઈએ..

                  ઘર માં કઈ કમી નહિ મિલન ને ટેકસટાઈલ નો બિઝનેસ અને સસરા રેટાયરડ આર્મી ઓફિસર એના દાદાજી સસરા પણ મંદિર માં પૂજારી તો ઘર માં ક્યારેય કઈ કમી આવે જ નહિ.... 

                   એક સવાર ની વાત છે એના સસરા ને રેડિયો નો શોખ અને એક સારો એવો રેડિયો લઈ આવ્યા તેના સાસુ ને ઓછું ગમે રેડીઓ સાંભળવું તો તેના સસરા રાખતા જ નહિ પરંતુ ઈચ્છા થાય ત્યારે ક્યારેક સાંભળી લેતા... તો આ નવો રેડીઓ સવાર સવાર માં શરૂ કર્યો એક દમ મત મીઠા પ્રભાતિયા આવતા હતા. જેવો ભજન નો પ્રોગ્રામ પૂરો થયો ત્યાં આવ્યો ત્યાં જ એક અવાજ આવ્યો હેલ્લો ગુડ મોર્નિંગ ગુજરાત!!

વૃંદા ના કાન ચમક્યા ધ્યાન થી સાંભળ્યું આ તો એના આદર્શ R J sanket નો અવાજ છે. 

                    એકા એક ભૂતકાળ માં સારી ગઈ. નાનપણ થી એક જ સપનું જોયેલું મોટી થઈશ અને RJ Vrunda નામ થી ઓળખાઈશ. અને એમાં પણ એને દસમાં ધોરણ n બોર્ડ ની પરિક્ષા પાસ કરી પછી તો ઘેલી ઘેલી થઈ ગઈ તી કે હું તો RJ Vrunda બનીશ ને મારા અવાજ થી જ ઓળખાણ થશે અને એ ખાલી વાર ગુડ મોર્નિંગ ગુજરાત  કહે ત્યાં તો બધા એક દમ તરોતાજા થઈ જાય.... પેલું કહેવાય ને મેરી આવાઝ મેરી પહેચાન હૈ.......  

                       અગિયારમું અને બારમું પાસ કર્યું હવે કોલેજ માં આવી ગઈ કોલેજ માં તો બધી સ્પર્ધા માં ને કોલેજ નાં ફંકશન માં ભાગ લે એટલે બધા એને RJ જ કહે અને એ ફૂલી ના સમાય. બસ બધે જ એના ગુણગાન ગવાય અને એ હરખાઈ જાય... પરંતુ એને ખબર હતી કે એક RJ બનવા માટે બહુ ખર્ચો થાય ને એના માતા પિતા એટલા રૂપિયા વાળા નથી. એની પાછળ એની નાની બે બહેન પણ છે બધું વાત ધ્યાન માં રાખી ને પોતાનું મન મક્કમ કરી નાખ્યું હતું કે જે થશે એ જોયું જશે પણ એને એક વાત ની ખુશી તો હતી જ કે એની કોલેજ માં તો એ RJ Vrunda ના નામ થી જ ઓળખાતી...

                       બસ કોલેજ પૂરી થવાની જ હતી એક વર્ષ ની વાર હતી. ત્યાં એના માટે એક માંગુ આવ્યું ને બધા લોકો એટલા સારા હતા તો તેના માતા પિતા ના ન પાડી શક્યા એને વૃંદા ને પણ છોકરો ગમ્યો. નાનું ને સુખી કુટુંબ હતું તો લગ્ન માટે હાં પાડી દીધી, પણ એક શરતે કે કોલેજ પૂરી થઈ જાય પછી જ લગ્ન... માની ગયા બધા લોકો અને વૃંદા ને મિલન એક બીજા ને મળતા રહ્યા પોત પોતાના પરિચય આપતા રહ્યા એક બીજા ને ઓળખતા રહ્યા ને એક બીજા માં ભળતા ગયા... 

                        પણ આ બધા માં વૃંદા કંઇક ગુમાવતી હતી જે એને પણ નોતિ ખબર એનું ભણતર. કોલેજ ની છેલ્લી પરીક્ષા હતી ને એના ત્રણ દિવસ માં જ એના લગ્ન પરિક્ષા માં સરખું ધ્યાન પણ ના આપી શકી અને લગ્ન ના હરખ માં રહી ગઈ.... ત્રણ વિષય માં સાવ નાપાસ થઈ પણ તેનું ધ્યાન તેના પરિવાર માં ને એમાં જ હતું તો પરિણામ બહુ ખાસ જોયું નહિ ને એણે પોતાનું એક આખા જીવન ભર નું સપનું પોતાની જિંદગી માં સંકેલી ને રાખી દીધું... 

                         અચાનક તેને મિલન એ બોલાવી ક્યાં ખોવાઈ ગઈ મારી જાન... ને બધું ભૂલી ને એ કહે હવે તો બસ તારા માં જ ખોવાઈ ગઈ ને તારા માં જ ખોવાયેલું રહેવું છે આમ કહેતા એની આંખ માંથી આસુ સરક્યું પણ તે પાંપણો માં જ અટકી પડ્યું અથવા તો એને ખરવા જ ના દીધું.... ❤️😓 

                       એક સ્ત્રી પોતાના પરિવાર માટે ગમે એવા સપના પણ છોડી દે છે બસ જરૂર છે એને એક સાચો જીવનસાથી મળે અને તેનો જીવન ભર સાથ આપે.... ❤️